Nôs ta perto chegá dia
De olá Camões, nôs sua péta;
Sã dia de alegria,
Qui pa tudo sã de festa.
Macau lôgo celebrá
Su dia de Portugal.
Quim corê, quim ta papiá,
Quim ravirá pinheral.
Qui cristám, qui china-china,
Nuncassá sai vai escola;
Nhu-nhúm non têm oficina,
Corê rua gastá sola.
Non têm cristám qui non sabe,
Quim sã Luís «Cacái» Camões,
Non têm posia más suávi
Qui posia de Camões.
Autor: José Inocêncio dos Santos Ferreira (Adé) e Fotografia: Cortesia de Miguel Senna Fernandes
Sem comentários:
Enviar um comentário