Rir é o melhor remédio

Iou otrora tem unga títi ui di amochai. Num tem gente qui vai visitá na su casa qui nádi come unga bolo de china de téclo. China de téclo com Calito sã dôs qui tudo dia corê rua vendê bolo ui di sabroso comê. Sã nosso Macau filo fazê-ça, capaz qui capaz.

Unga dia, iou com máiz dôs primo já vai visita títi na su casa. Títi raganhado contente qui num pódi máiz. Cavá falá pa nosotro china de téclo tem unga semana qui nunca vem. Ramendá, nosotro papiá tanto ancuza títi já isquecê, já vai buscá unga lata inchido de bolo, papiá pa nosotro:

- Comê, comê, ui di fresco.

Nosotro já rabiá, olá qui cuza sâm assim fresco. Vosotro querê sabê sã cuza?

Sã bolo de china de téclo qui unga semana nunca aparecê.

Júlia Gordo